KABANKALAN MAY 25 KA BAG-O NGA COVID-19 CASES; 15 SA NAGPOSITIBO NAGPAMULANG SA ILOG

Share on facebook
Share on google
Share on pinterest
Share on twitter
Share on print

25 ka bag-o nga kaso sang Covid-19 ang narekord sa syudad sang Kabankalan  subong nga adlaw.

Suno kay Kabankalan Public Information Officer Jake Gonzales, 15 sa mga ini ang nagpamulang sa Brgy. Andulawan banwa sang Ilog kag karon naka ‘isolate’ sa mga healing facilities sang syudad.

Una nga nagpositibo sa Covid-19 ang pila ka myembro sang ila pamilya, gani sila ang ginpaidalom sa swab testing.

Dugang pa ni Gonzales,   may 179 na ka mga close contacts halin sa nagkalain-lain nga barangay ang gin swab test subong nga adlaw.

Apat sa siyam ka mga isolation facilities sang syudad ang ginbuksan naman  agud ma isolate ang mga nagposibo.

Ini ang nahamtang sa Brgys. Pinaguinpinan, Talubangi, Binicuil kag Oringao.

Sa karon ang Kabankalan ang may 40 ka mga Covid-19 active cases. | Aksyon Marlon Genovea

HANAY SANG NEGOSYANTE PABOR NGA IPAIDALUM SA GCQ ANG PROBINSYA

Kumporme ang mga negosyante nga ipaidalom sa General Community Quarantine kag pagligwat sang gurfew hours nga ipatuman sa probinsiya sg Negros Occidental. 

Sa interview sg Aksyon Hotline kay Metro Bacolod Chamber of Commerce and Industry chief executive Frank Carbon, nalipay sila kag ila gina abi-abi ang ginpatuman nga solusyon ni Governor Eugenio Jose Lacson kag sang mga alkalde sang kada banwa kag syudad.

Dugang pa ni Carbon, gamay lang ang epekto kon temprano pa magasira ang mga negosyo bangud  makabawi man kon aga.  Palayag ni Carbon, dyutay gid lamang ang adjustment kag kinalain sang mga pagsulundan kon napaidalom ang lugar sa MGCQ ukon GCQ. 

Suno kay Carbon, panahon na nga pahanugutan ang local IATF nga magdesisyon sang para sa ila mga nasakupan bangud sila ang mas nakahibalo sg dapat kag mga kinahanglanon sang mga pumuluyo. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.