Natalana sa Enero 11, biernes, iga-activate ang Bacolod City Joint Security Council ukon CJSC para sa 2019 midterm elections.
Ginpahayag ni Bacolod Election Officer Mavil Majarucon-Sia, ang pag-activate sang CJSC ang igadungan sa activation man sang Provincial Joint Security Council sa kapitolyo provincial sa amo man nga adlaw.
Ginpaathag ni Sia, ang council ang ginabug-usan sang PNP, AFP kag Comelec sa diin ila gina-assess ang security concern sa tion sang election period.
Suno pa kay Sia, sa dominggo naman nga adlaw patigayunon ang unity walk kag peace covenant signing sa Bacolod Public Plaza para sa mga kandidato sa Bacolod.
Ang ini nga aktibidad ang pangunahan sang Bacolod City Police Office kag suportado naman sang Comelec.
What’s your Reaction?
+1
+1
+1
+1
+1
+1
+1
