Magapabilin nga Lock down ang Negros Occidental District Jail sa pihak nga ipaidalom na sa Modified General Community Quarantine ang probinsiya kag syudad sang Bacolod.
Suno kay NODJ Jail Warden Chief Inspector Norberto Miciano, indi bukas para sa mga bisita ang ila jail facilities agud malikawan ang Covid-19 cases nga posible makasulod sa ila pasilidad.
Dugang pa ni Miciano, sa karon ginapreparar na sang ila ahensya ang isolation rooms para sa na-expose nga Persons Deprived of Liberty ukon PDLs matapos naggwa agod magtambong sa hearing.
Ang Isolation room magaserbi nga holding area sang mga PDL’s agod ipaidalom sa 14 ka adlaw nga quarantine period base sa protocol sang DOH kag Covid-19 task force advisory sang BJMP.