ITOM NGA ASO GIKAN SA CREMATORIUM SA BRGY. BATA GIN REKLAMO

Share on facebook
Share on google
Share on pinterest
Share on twitter
Share on print

Nagpangayu sang pasaylo si Albert Montelibano, manager sang Acropolis Gardens sanctuary and Cremation matapos ang reklamo sang pila ka mga pomuluyo sang Barangay Bata angut sa madamol kag maitum nga aso nga nagwa sa ila crematorium.

Suno kay Montelibano bulan pa kon tani sang Marso, nagalaum na ang ila opisina sa pag-abot sang Technician halin sa Manila para sa maintenance sang ila crematorium apang wala madayon bangod sa pandemya.

Gin-ako ni Montelibano, nga nagwa ang aso gikan sa simboryo bangod daku, tambok kag ginpotos pa sa madamol nga body bag ang ila gin-cremate tinalikdan nga Sabado, September 12, 2020.

Ginpahayag ni Montelibano nga nagalab-ot sa 5 ka mga bangkay ang ila ginasunog kada adlaw umpisa nga nag-abot ang Covid-19. | Aksyon Alvin Grava

LIMA KA PERSONNEL SANG NBI-BACOLOD, NAGPOSITIBO SA COVID-19

Temporaryo nga ginpasira ang talatapan sang National Bureau of Investigation (NBI) Bacolod, matapos nagpositibo sa Covid-19 ang lima ka mga personnel sini.

Sa interview sang Aksyon Radyo Bacolod ginpahayag ni NBI Bacolod Head Atty. Renoir Baldovino, 25 ka mga personnel ang ginpaidalom sa RT-PCR swab tests nagligad nga Biyernes kag Sabado , kag lima sa mga ini nga lunsay mga babaye ang nagpositibo sa Covid-19.

Bangud sini suno kay Baldovino, ginmando sang Local Inter-Agency Task Force (LIATF) Bacolod ang pagpasira sang NBI office, agud mapaidalom sa disinfection.

Dugang pa ni Baldovino, napaidalom na sa isolation ang lima ka mga nagpositibo sa quarantine facility sang syudad sa Brgy. Villamonte.

Ginpatigayon naman ang contact tracing sa mga naka close contacts sang Covid-19 positive.

Nag umpisa ang pagpasira subong nga Lunes Enero 18 tubtub Enero 22, 2021. Magabalik ang operasyon sang NBI Bacolod sa Enero 25. | Aksyon Marlon Genovea

KAPIN 3K KA PAMILYA NGA GINLOCKDOWN SA BACOLOD, MAKABATON SANG AYUDA

Ginsumiter na sang Department of Social Services and Development ukon DSSD Bacolod sa DSWD Region 6 ang listahan sang mga pigado nga mga pamilya nga na apektuhan sang lockdown nga makabaton sang 6,000 nga ayuda sa idalum sang Bayanihan 2.

Ini nga mga pamalay ang ginlockdown ukon gin sealed off humalin Setyembre 11 tubtob Disyembre 29, 2020.

Suno kay Pacita Tero, pamuno sang DSSD, kapin 3,000 households ang benepisyaryo sang amo nga programa sa Bacolod.

Sa karon, nagahulat ang DSSD sang komunikasyon gikan sa Region 6 angut sa proseso kag schedule sang payout.

Samtang, gin pahayag ni Tero, nga may pila pa ka mga ‘waitlisted’ sa Bacolod ang ginapaabot nga magbaton sang 6,000 nga ayuda sa idalum sang Bayanihan 2. Ang waitlisted amo ang mga pigado nga pamilya pero wala nalakip sa first kag second tranche sang Social Amelioration Program. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.