Magapatigayon sang isa ka pagsinapol si Governor Eugenio Jose Lacson sa masunod nga semana, may kaangtanan sa pagnubo sa presyo sang humay.
Suno kay Lacson, magadihon ang gobyerno probinsiyal sang pamaagi kun paano mabuligan ang kapin 100 mil ka mga mangunguma nga apektado sang rice tarrification law.
Pagahambalan man ang one-time zero-interest loan nga programa sang Department of Agriculture para sa mga mangunguma.
Dugang pa sang gobernador, nga pareho man sa ginaimplementar sa probinsiya sang Isabela, ila pangabayon ang National Food Authority nga magbakal sang humay nga lokal ginapatubas, kag dugangan sang gobyerno probinsiyal ang presyo sini.
Nagligad nga Martes, ginpahayag ni Provincial Agriculturist Japhet Masculino nga nagabili na lamang sang P13 tubtub P14 pesos kada kilo ang presyo sang humay sa probinsiya. | Aksyon Marlon Genovea