ISYU DUTA, NAGA ISAHANON NGA ANGGULO NGA GINATUTUKAN SANG KAPULISAN SA SAGAY MASSACRE

Share on facebook
Share on google
Share on pinterest
Share on twitter
Share on print

Tatlo ka butang ang ginatutukan sang kapulisan angut sa natabo nga massacre sa siudad sang Sagay sadtong Sabado sang gab I sa diin, siyam ang patay sa mga mangunguma nga mga miembro sang National Federation of Sugar Workers ukon NFSW.

Sa interview sa Aksyon Firing Line, gin pahayag ni PRO-6 Director Chief Supt. John Bulalacao nga nagapadayon ang ginahimu nga imbestigasyon sang Sagay City PNP kag lakip sa mga ginakonsiderar nila nga posible makahimu sang kaangay nga krimen amo ang armed group sang tag iya sang duta nga plano kuntani ihatag sa mga biktima; mga lihetimo nga indibidwal ukon yadtong mga may kinamatarong sa pag angkon sang duta kag ang ika tatlo amo ang New People’s Army ukon NPA.

Dugang pa ni Bulalacao, isyu sa duta ang naga isahanon nga anggulo nga ila ginalantaw sa karon apang gin klaro sini nga hulaton nila ang resulta sang mga narecover sa eksena sang insidente nga gin padala sa crime laboratory agud imbestigahan.

Subongman, nanawagan si Bulalacao nga indi dapat ma-alarma ang pomuluyo bangud ginahimu na nila ang tanan agud masolbar ang kaso.

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.