ISA SA TATLO KA MGA SUSPEK NGA NANGAWAT SA BRGY ESTEFANIA, NADAKPAN

Share on facebook
Share on google
Share on pinterest
Share on twitter
Share on print

Robbery kag illegal possession of firearms ang kaso ginpasaka sang Police Station 4 batok kay Richer Jann Salvo, 21 anyos nga pumuloyo sang Purok Fortune B Barangay Estefania syudad sang Bacolod.

Si Salvo isa sa tatlo nga nagsulod sang puloy-an ni Gap Adrian Peñafiel sang Celine Homes Barangay Estefania sadtong Myerkules sang kaagahon. Nakuha sang suspetsado ang biente kwatro mil pesos nga bili sang kagamitan ni Peñafiel.

Likom sa ihibalo ni Salvo natandaan sang biktima ang itsura sini sang ila mabuksan ang nagaparking nga salakyan kag ginkuha ang kagamitan.

Sa follow-up operation sang Police Station 4 naagyan nila si Salvo sa dalan dala ang gin kawat nga gamit. Narekober man ang isa ka sulpak nga ginataklos sang suspek sang ini ang madakpan.

Suno kay Police Senior Master Sgt. Raymund Bandojo inbestigador sang Police Station 4 ila pa ginakilala ang mga kaupdanan sang suspek agod hibaluon kon may mga kaso ini sa iban nga police station.  | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.