ISA SA TATLO KA MENOR DE EDAD NGA GIN ANOD SA SUBA, NASAPWAN NGA PATAY

Share on facebook
Share on google
Share on pinterest
Share on twitter
Share on print
(Talisay CDRRMO Photo)

Nasapwan ang isa ka bangkay sa tatlo ka mga kabataan nga na missing matapos nga na anod sa suba sa Abkasa, Brgy Mandalagan syudad sang Bacolod, Myerkules sang hapon, Hulyo 15.

Suno kay Talisay City CDRRMO Head Geofferey Gutierrez ang bangkay sang 15 anyos nga si Janet Rodriguez ang nasapwan sa Purok Tumpok, Brgy Zone 15, Talisay City kaina sang aga, Hwebes.

Ang biktima ang residente sang Purok Santol, Brgy.Mandalagan.

Suno kay Gutierrez, nasapwan sang isa ka mangingisda nga nasampay sa iya tangkop si Rodriguez rason nga nakig-angot ini sa Talisay DRRMO kag sa pamilya.

Dugang pa ni Gutierrez, mismo ang utod ni Rodriguez ang nag-identify sa biktima. Pahanumdom ni Gutierrez nga likawan ang pagpaligo sa mga suba sa sini nga tyempo bangud delikado ang hinali nga pagdaludo sang tubig.

Sa karon, padayon pa ang search and rescue operation nga ginapatigayon sang Talisay kag Bacolod CDRRMO sa duha pa nga wala makita nga sanday Jharen Pahilagao kag Carl Gabriel Cabrillo, lunsay mga menor de edad. | Aksyon Eden Aboso

MORE STORIES:

ANU ANG IMO MA KOMENTO?