Nakuhaan sang suspected shabu ang isa sa tatlo ka mga lalaki sa baybayon sang Brgy San Juan Baybay, syudad sang San Carlos.
Ang mga suspetsado amo sanday Rhodney Alqueza, 28, Warlito Villadar 24 kag Jerry Boy Villadar, 23 anyos lunsay nagapuyo sa amo nga lugar.
Suno kay San Carlos City PNP, P/LtCol Mark Junco, samtang nagapatigayon sang seaborne patrol ang Maritime group nga ginpamunuan ni P/Senior Master Sgt. Jessie Cordova, nakita sang mga ini ang mga suspek sakay sa motorized banca nga wala sang facemasks kag quarantine pass.
Sang gin-usisa, nakuha kay Alqueza ang duha ka heat sealed transparent plastic sachet sang ginasuspetsuhan shabu ginabulubanta 5 gramos nga naga balor sang 50 mil pesos.
Nagapati si Junco nga plano sang mga suspek nga i-deliver ang droga sa Sipaway Island.
Ginpasaka na ang kaso kaso nga pag bayolar sang section 11 sang R.A. 9165 ukon paghupot sang ilegal nga droga kag paglapas sang E.O. 20-20 ukon wala pagsuksuk sang face mask kag wala sang quarantine pass batok sa mga suspek. | Aksyon Alvin Grava