ISA SA TATLO KA KAWATAN NGA NAG SULOD SA TIANGGE SA BRGY ESTEFANIA, NADAKPAN

Share on facebook
Share on pinterest
Share on twitter
Share on print

Nadakpan sang Police Station 4 ang isa sa tatlo nga nagsulod kag nagpangawat sang sari-sari store ni Arnold Toledo sang Celine Homes Barangay Estefania syudad sang Bacolod.

Ang suspetsado ginkilala kay Domar Noiz, 20 anyos sang Purok Pag-asa Barangay Estefania.

Samtang nakapalagyo naman ang upod ni noiz nga si Andrew Salvo sang Purok Fortune Town Brgy. Estefania kag isa pa gid ka upod nila nga wala pa makilala.

Sa inbestigasyon ni Police Staff Sgt. Winston Sun, inbestigador sang Police Station 4, ginkuha sang mga suspetsado ang biente-mil pesos nga benta, bili sang sigarilyo kag dry goods.

Sa pagdakop kay Noiz narekober sa iya possession kag control ang cash nga 2,855 pesos.

Nadakpan kaina sang kaagahon si Noiz sa Purok Pag-asa, Barangay Estefania sa follow-up operation nga ginpatigayon ni Police Senior Master Sgt. Raymond Badojo.

Si Noiz ang yara sa costudial facility sang Police Station 4 samtang ginapangita pa si Andrew Salvo kag isa pa ka wala makilala nga upod sini. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.