ISA SA GINA TUDLO SUSPEK SA PAGPATAY SA HARDINERO SA TALISAY CITY, NADAKPAN

Share on facebook
Share on google
Share on pinterest
Share on twitter
Share on print

Nadakpan sang Talisay PNP si Rogelio Armamento ang isa sa duha nga ginatudlo nagpatay sa hardeniro sang pribado nga resort sang Almandria Highlands, Sitio Mambucano, Barangay Cabatangan Syudad sang Talisay.

Suno kay P/Master Sgt Michael Mcdowell Pcpl, ang chief investigator sang Talisay PNP, nadakpan si Armamento mismo sa iya puloy-an malapit sa iya gina-ubrahan.Ang suspetsado amo ang kaupod sang ila ginpatay nga nagatrabaho sa amo nga resort.

Dugang ni Mcdowell, lubos nga ginpanginwala sang suspetsado ang partisipasyon sini sa krimen, gin-inquest gihapon ini sa kaso nga pagpatay ukon murder.

Lakip man nga pasakaan sang kaso ang tiyo sini nga si Cerelo Palapas nga al-large pa sa sini nga tinion.

Madumduman, nasapwan nalang nga patay si Ducay nga dugoon sa guwa sang iya payag kag nagalapta man ang dugo sa sulod sang iya puloy-an nga posible nagbato ang biktima sa mga suspetsado.| Aksyon Bryan Morden

GINPASIRA NGA RESORT, NAGAPROSESO NA SANG BUSINESS PERMIT

Nagkuha na sang application form para sa Business Permit ang resort sa Barangay Pahanocoy, syudad sang Bacolod nga damlag lang ginpasira sang Bacolod Emergency Operations Center ukon EOC.

Suno kay Stela Rose Rayos, pamuno sang Permit and Licensing Office, sang Sabado nga adlaw sang nagkuha sang application form ang tag-iya sang resort kag nagpabutyag nga handa sila nga mag-comply sa mga requirement para sa business permit.

Dugang pa ni Rayos, sa tion nga ma-isyuhan na sang permit ang resort, ila pa ini iga-refer sa City Legal Office kag EOC.

Madumduman, una nga nagdepensa ang tagdumalahan sang resort nga ang gin patigayon nga blessing nagligad nga Enero 15 ang gintambungan lamang sang ila mga himata kag pamilya.

Pero sa bahin sang Bacolod EOC, ang resort ang nagpangayo sang permit sa Barangay nga magpatigayon sang blessing pero wala dire nalakip ang pagpatigayon sang foam party.

Sa nahibaluan, naglapta sa social media ang pila ka video clips sang foam party nga gin alegar nagabayolar sa minimum health standard. | Aksyon Dale Salazar

NOCPPO MAY DUGANG DUHA KA COVID-19 CASES

Nadugangan sang 2 ka kaso sang COVID-19 ang Negros Occidental Police Provincial Office ukon NOCPPO.

Suno kay NOCPPO Deputy Spokesperson P/Lt. Abegael Donasco, indi pa nila mapalayag kun diin nga estasyon sila na assign, bangud padayon pa nga ginahibalo ang ila mga estado.

Dugang ni Donasco, ang mga ini asymptomatic nga gilayon ginpahamtang sa isolation facility kag padayon na ang contact tracing.

Karun sini, may 40 na nga nagpositibo sa kapulisan sa idalum sang NOCPPO kag duha lang ang aktibo.

Ginpasiguro naman sang NOCPPO nga indi maapektuhan ang transaksyon sa mga estasyon nga may nagpositibo nga pulis. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.