ISA PATAY, ISA PILASON SA PAGPANIRO SA CALATRAVA

Share on facebook
Share on google
Share on pinterest
Share on twitter
Share on print

Napatay samtang ginabyahe padulong sa hospital ang isa sa duha nga ginpanglutang sa Sitio Bandera, Barangay Bantayanon, banwa sang Calatrava sadtong Miyekules sang gab-i.

Ang napatay ginkilala kay Rodrigo Villadar, 44 anyos, samtang ang pilason ginkilala naman kay Nestor Jabaybay, 58 anyos tanan nagapuyo sa amo man nga lugar.

Suno kay PMaj Robert Indiape, hepe sang Calatrava PNP, naga-ininom ang mga biktima bangud nagasaulog sang kaadlawan si Jabaybay sang nag-abot ang suspetsado nga si Junjun Entapan kag nagpangluthang.

Narekober sa eksina sang insidente ang anum kag basiyo kag duha ka balines sang kalibre 45.

Dugang ni Indiape, si Entapan napriso man sadto, matapos lab-on kag napatay ang iya lolo.

Gina-usisa pa sang otoridad kun matuod nga may deperensya sa panghuna-huna ang suspetsado.

Sa karon, at large ang suspetsado. | Aksyon Bryan Morden

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

KAPIN 3K KA PAMILYA NGA GINLOCKDOWN SA BACOLOD, MAKABATON SANG AYUDA

Ginsumiter na sang Department of Social Services and Development ukon DSSD Bacolod sa DSWD Region 6 ang listahan sang mga pigado nga mga pamilya nga na apektuhan sang lockdown nga makabaton sang 6,000 nga ayuda sa idalum sang Bayanihan 2.

Ini nga mga pamalay ang ginlockdown ukon gin sealed off humalin Setyembre 11 tubtob Disyembre 29, 2020.

Suno kay Pacita Tero, pamuno sang DSSD, kapin 3,000 households ang benepisyaryo sang amo nga programa sa Bacolod.

Sa karon, nagahulat ang DSSD sang komunikasyon gikan sa Region 6 angut sa proseso kag schedule sang payout.

Samtang, gin pahayag ni Tero, nga may pila pa ka mga ‘waitlisted’ sa Bacolod ang ginapaabot nga magbaton sang 6,000 nga ayuda sa idalum sang Bayanihan 2. Ang waitlisted amo ang mga pigado nga pamilya pero wala nalakip sa first kag second tranche sang Social Amelioration Program. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.