ISA PATAY, ISA PILASON SA AKSIDENTE NGA PAGBUNGGO SANG PICK UP NGA SALAKYAN SA MOTORSIKLO

Share on facebook
Share on pinterest
Share on twitter
Share on print

Isa ang patay kag isa ang pilason matapos aksidente nga mabungguan sang isa ka pick up nga salakyan ang isa ka motorsiklo las 11.30 sini nga aga,Oktubre 15 sa Sitio Tuburan, Brgy. Pandanon banwa sang Salvador Benedicto.

Ginkilala ang napatay kay Rolando Alipo-on, 27 anyos driver sang motorsiklo, temporaryo nagapuyo sa siudad sang Bacolod kag tumandok sang banwa sang Cauayan.

Samtang pilason naman ang angkas sini nga si alyas “Jury” nga gindala sa Corazon Locsin Montelibano Memorial Regional Hospital diri sa siudad sang Bacolod para sa nagakaigo nga pagbulong.

Ginkilala naman ang driver sang pick up nga si Josephus Valencia,51 anyos nagapuyo sa banwa sang Toboso.

Suno kay PO1 Sanny Aninacion, gikan sa siudad sang San Carlos si Valencia kag maga padulong kuntani sa siudad sang Bacolod samtang gikan naman sa Bacolod ang mga biktima kag padulong sa siudad sang San Carlos sang makalambot sila sa amu naga lugar aksidente nga naglapaw sa linya si Valencia nga gintunaan sang aksidente.

Detinado karon sa custodial facility sang DSB PNP si Valencia kag nagapakig angut pa ang kapulisan sa pamilya sang napatay kon ano ang desisyon sa kaso.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.