ISA PATAY, ISA PILASON MATAPOS NA-IGO SG KILAT SA BANWA SANG CAUAYAN

Share on facebook
Share on google
Share on pinterest
Share on twitter
Share on print

Isa patay, isa pilason matapos na-igo sang kilat pasado las 2 sang hapon, dominggo sa Sitio Balisong, Barangay Guilungan, banwa sang Cauayan.

Suno kay Damer Salcedo, Team Leader sang Cauayan DRRMO, wala na nila makuha ang ngalan sang napatay tungod gintabo na lamang nila sa highway ang isa ka napilasan nga ginkilala sa kay Alyas Culanoy Abanid, 28 anyos.

Sa inisyal nga impormasyon nga nakuha ni Salcedo, nagapang-guna ang tatlo ka persona sa talamnan sang humay sang nagpangilat.

Debuenas naman nga wala ma-igo ang isa apang si Abanid, nalab ot tungod malapit lamang siya sa napatay.

Dugang pa ni Salcedo, ginalantaw nila nga rason kon nga a gin-amag sang kilat ang mga biktima tungod man sa gina-uyatan nila nga guna kag open field ang ila nahamtangan.

Indi pa ma-istorya si Abanid bangod sa sunog nga naangkon sini sa iya nga bibig.

MORE STORIES:

LIKE US ON FB

error: Ooops... You are not authorized to copy this content.