Patay ang subject kag pilason ang isa pa ka lalaki matapos gin-aligar nagbato sa mga kapulisan sang Silay City PNP sa ginkasa nga sang buy bust operation sa Purok Cabay Bodega, Brgy. 5 syudad sang Silay kagab-i, Hwebes, Oktubre 8.
Ang napatay ginkilala kay Onel Rojo, legal ang edad kag residente sang syudad sang Talisay.
Ginahibalo pa ang ngalan sang lalaki nga pilason.
Suno kay Silay City PNP Chief of Police Major Rollie Pondevilla, madugay na nga ginamonitor sang mga otoridad si Rojo nga nagabaligya sang ilegal nga droga apang ginpahayag nga karun gid lamang natigayon ang buy bust operation batuk sa iya.
Dugang pa ni Pondevilla, sang nagbaklanay sang ilegal nga droga mahimo nakilal-an ni Rojo nga pulis poseur buyer ang ka transaksyon sini kag gin-aligar nga nagbato sa mga kapulisan.
Narekober sa crime scene ang kalibre 45 nga armas luthang nga suno kay Pondevilla gingamit ni Rojo sang nagbato sa mga kapulisan.
May una nga isa ka palaba nga sachet sang ginasuspetsuhan shabu kag isa ka basiyo sang kalibre-45 nga armas-luthang ang narekober sa crime scene.
Usisaon pa sang Scene of the Crime Operatives (SOCO) ang mga gamit ni Rojo.
Ang bangkay ni Rojo yara sa Manapla Funeral Homes samtang si Ganon naman ang padayon ginabulong sa Corazon Locsin Montelibano Memorial Regional Hospital sa syudad sang Bacolod.
Ginahibalo pa sang mga kapulisan kun kaupod ni Rojo ang pilason.
Padayon pa ang imbestigasyon sang mga kapulisan sa insidente. | Aksyon John Diaz
