ISA PATAY, APAT PILASON SANG NAKABUNGGO ANG DELIVERY TRUCK SA TRISIKOL

Share on facebook
Share on google
Share on pinterest
Share on twitter
Share on print
(Antonette Guzman FB Photo)

Isa patay, apat pilason sa aksidente nga pagbunggo sang delivery truck sa isa ka trisikol sa National Road sakop sa Had. Fe, Barangay Batwan, syudad sang La Carlota pasado la una sang hapon, Hunyo 2.

Ang napatay ginkilala kay Salvacio Escrebano, legal ang edad kag isa sa pasahero sang trisikol.

Sa pagpangusisa ni Lt. Col. Junel Guadalupe, hepe sang La Carlota PNP, gin ako sang driver sang delivery truck nga ginkilala kay Ryan Siasan, 27 anyos, nga napiyungan ini rason nga wala gilayon nakapreno sang malapit na ini sa trisikol.

Dugang pa ni Guadalupe, magluwas nga nagbunggo sa trisikol, naglapaw pa sa dalan ang delivery truck kag nagtupa sa kampo sang tubo.

Sa pihak nga bahin, sa apat ka pilason, isa ang gindala sa hospital sa syudad sang Bacolod kag ang tatlo lakip na ang driver sang trisikol nga si Jerry Talam ang ginkabig naman nga out patient.

Sa karon, temporary nga ginkustodiya ang driver sang delivery truck kag handa nga magpasaka sang kaso ang pamilya sang napatay. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.