ISA PA KA PRESO NGA NAG PALAGYO SA NODJ, NADAKPAN SA MOISES PADILLA

Share on facebook
Share on pinterest
Share on twitter
Share on print

Nadakpan na ang isa pa ka nakapalagyo sadto sa Negros Occidental District Jail (NODJ) sa syudad sang Bago.

Ang nadakpan ginkilala sa kay Jimmy Sablon, 42 anyos kag pomuluyo sang Barangay Robles, banwa sang La Castellana.

Si Sablon nga may kaso nga frustrated murder kag isa man ka wanted person ang nadakpan sa Sitio Bato, Barangay Odiong, banwa sang Moises Padilla las 10:30 sang aga, Setyembre 23.

Ang operasyon ginpatigayon sa gintingob nga pwersa sang Technical Support Company sang Regional Mobile Force Battalion 6, Moises Padilla PNP, La Castellana PNP, BJMP Star Team kag NOCPPO Police Intelligence Unit.

Madumduman, Setyembre 5, 2020 sang una nadakpan ang kaupod ni Sablon nga nakapalagyo nga ginkilala kay Ramonito Ventura, sa Barangay Sta. Cruz, banwa sang Murcia.

Samtang, ginkumpirmar ni Negros Occidental Jail Warden Norberto Miciano nga temporaryo ginpriso sa BJMP Handumanan sanday Sablon mag Ventura. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

PCG NAPAIDALUM SA HEIGHTENED ALERT TUBTOB ABRIL 2, 2024

Nag-augment sa Philippine Coast Guard ang nagkalain lain nga units kaangay sang 618 Auxilliary Squadron, Philippine Marine Reserve kag Maritime Police para magbulig sa pagbantay sa pagsulod kag pag gwa sang mga pasahero sa mga pwerto sa Negros Occidental kag ilabi na sa Bredco kag Banago Port.

Suno kay Commander Paterno Belarmino Jr. umpisa Marso 22 naka heightened alert na sila kag magalawig tubtob Abril 2.

Dugang pa ni Belarmino, amat amat na nga naga damo ang pasahero nga nagabyahe kag ginapaabot nga mas magdamo pa sa masunod nga inadlaw.

Panugyan ni Belarmino sa mga nagabyahe nga magsunod lang sa proper protocol para tayuyon ang lakat sang byahe kag mapabilin nga safe ang tanan nga pasahero. | PCG Photo

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA GINREKLAMO NGA NAGAPANAYA KAG NAGAPALUPOK SANG ARMAS, ARESTADO

Nakuhaan sang armas-luthang ang 33 anyos matapos ginserbihan sang search warrant sa banwa sang Binalbagan, Negros Occidental takna las 7:00 sang aga, Marso 27.

Ginkilala ang suspek nga si Honorato Ayco , wala sang trabaho kag residente sang Kauswagan Village, Brgy. Progreso, banwa sang Binalbagan.

Suno kay Police Major Randy Babor, hepe sang Binalbagan PNP, may gintayaan kag ginpalukpan sang armas-luthang si Ayco rason nga ini ang gin-monitor kag ginpasakaan sang reklamo.

Narekober sa balay sang suspek ang isa ka armas nga caliber .38 revolver nga loaded pa sang tatlo ka mga bala.

Si Ayco ang napriso na sadto bangud sa kaso nga estafa apang nakagwa pinaagi sa pagpiyansa.

Priso sa karon qng suspek sa custodial facility sang Binalbagan PNP kag pasakaan sang kaso sa paglapas sang RA 10591 ukon ang Comprehensive Firearms and Ammunition Regulation Act.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.