Nadugangan sang isa pa ka Covid-19 case ang syudad sang Bacolod.
Ini matapos nga nag positibo sa virus ang isa ka OFW nga 38 anyos nga lalaki nga karon naka facility quarantined.
Base sa DOH Western Visayas Center for Health and Development Bulletin No. 69 nga gin pagwa subong nga hapon, duha ang bag-o nga kaso sang Covid sa Region 6 ini ang gina lakipan sang isa ka Bacolodnon nga OFW kag isa ka 33 anyos nga babaye nga OFW nga residente sang Janiuay, Iloilo.
Subong nga adlaw, 199 ka lab results ang nag gwa, 2 ang positibo ka isa ang positibo sa repeat test samtang negatibo sa virus ang 196.
Gina validate pa sa karon sang Bacolod CHO ang background ni Patient 15.
Si Patient 15 ang wala nakapaulli sa ila balay.
Ang Bacolod City ang may 15 ka Covid-19 cases, pito ang naka recover, tatlo ang napatay, kag lima ang aktibo nga kaso.
Sa kabug-usan ang Region 6 ang may 23 ka aktibo nga kaso, 84 ang naka recover kag 10 ang napatay. | Aksyon Dale Salazar
