ISA PA KA OFW SA BACOLOD NAG POSITIBO SA COVID-19 RT-PCR TEST

Share on facebook
Share on google
Share on pinterest
Share on twitter
Share on print
(Bacolod DRRMO Photo. Ikaduha nga swab sa mga returning OFWs nagligad nga Mayo 9)

Nadugangan isa pa ang Covid-19 case sa syudad sang Bacolod.

Ini matapos nga nag positibo sa virus ang isa ka repatriate nga 28 anyos nga lalaki nga residente sang Barangay Tangub, Bacolod City kag karon naka facility quarantined.

Suno kay Dr. Grace Tan, spokesperson sang Bacolod IATF, si Patient 12 ang may travel history sa Italy kag Manila.

Kabahin ini sa nag abot nga 28 ka returning OFWs sang syudad sakay sa 2Go Malasakit Voyage nga nag abot sa Bacolod sang Abril 28.

Si Patent 12 ang una nga gin kuhaan sang swab test sang Mayo 1 kag ini ang nag negatibo.

Mayo 9 sang liwat nga gin-swab ang mga returning OFWs, kag si Patient 12 ang nag positibo.

Gina lantaw ni Tan, nga posible na-infect si Patient 12 samtang naga byahe pabalik sa Bacolod kag ulihe nag develop ang virus.

Ang pasyente ang wala sang pre-existing health conditions kag asyptomatic.

Suno kay Tan, ang pasyente ang wala nakapuli sa ila nga balay kag wala naka close contact sa iya nga pamilya.

Ang Bacolod ang may 12 ka Covid-19 cases, anum ang nakarecover, tatlo ang napatay, kag tatlo ka returning OFWs ang naga pabilin nga positibo. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.