ISA PA KA EMPLEYADO SANG SYUDAD NAG TALIWAN BANGUD SA COVID-19

Share on facebook
Share on google
Share on pinterest
Share on twitter
Share on print

Nag taliwan ang 62 anyos nga empleyado sang syudad sang Bacolod nga residente sang Barangay 9 bangud sa Covid-19 nagligad nga Lunes.

Suno kay City Administrator Em Ang, ang napatay ang 62 anyos nga babaye sa City Treasurer’s Office pero gin assign sa Old Bacolod City Hall.

Sa impormasyon ni Ang, ang napatay ang naga trabaho work from home umpisa sang Marso sang nag umpisa ang lockdown kag may yara sang co-morbidity ukon hypertensive.

Suno sa City Administrator, wala nahibaluan kon bala sa tion sang work-from-home kon naga gwa ini sa iya nga balay.

Naga palab-ot si Ang sang pakig-unong sa pamilya sang napatay kag iban pa nga na apektuhan sang Covid-19.

Sa record sang syudad, ini na ang ika-anum nga empleyado sang syudad nga napatay bangud sa Covid-19.

MORE STORIES:

LIKE US ON FB

error: Ooops... You are not authorized to copy this content.