ISA PA KA EMPLEYADO SANG BACOLOD GIN BAWIAN SANG KABUHI BANGUD SA COVID-19

Share on facebook
Share on google
Share on pinterest
Share on twitter
Share on print

Gin kumpirmar ni Bacolod City Vice Mayor Elcid Famillaran Chairman sang Inter Agency Task Force nga isa ka regular employee sang syudad ang napatay bangud sa COVID 19.

Suno kay Famillaran, ang napatay ang isa ka 59 anyos nga lalaki kag naga trabaho bilang sweeper sa Libertad Public Market.

Dugang pa ni Famillaran, base sa impormasyon nga iya nakuha, nag umpisa ang paglain sa pamatayag sang amo nga empleyado matapos nga ini ang naghilot sang isa ka vendor nga gina hilanat.

Suno pa sa Bise Alkalde, Agosto 10 sang gin paidalum sa RT-PCR test ang amo nga empleyado kag nangin positibo ang resulta.

Ginpatigayon na sang mga otoridad ang naga kaigo nga contact tracing ilabi na sa mga himata sang napatay nga residente sang Purok San Roque Brgy. Tangub, samtang gin paidalum naman sa swab test ang iya gin hilot.

Bangud sini nga insidente, nag lab-ot na sa tatlo tanan ka mga empleyado sang syudad ang na record nga nagkalamatay bangud sa virus kag ang una nga duha nga napatay ang lunsay mga empleyado sang Land Tax Division. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.