ISA KA TUIG NGA BATA NGA BABAYE NALUMOS SA MOISES PADILLA

Share on facebook
Share on google
Share on pinterest
Share on twitter
Share on print

Nasapwan nga patay ang isa ka tuig kag tatlo ka bulan nga bata nga babaye, matapos malumos sa sapa sang Barrio Daan Barangay Guinpana-an banwa sang Moises Padilla.

Sa interview sang Aksyon Radyo Bacolod, ginpahayag ni Reynald Horegue pamuno sang Local Disaster Risk Reduction and Management Office (LDRRMO) , ang bata ginkilala kay Princess Joy Eustaño.

Suno kay Horegue nga mga alas 8 ang takna kahapon sang aga, nagahampang ang bata upod sa iya walo ka tuig nga magulang sa ila puluy-an kaupod ang pila nila ka mga katiyaan.

Dugang pa ni Horegue, ginabilin lamang sang ila ginikanan ang mag-utod sa ila puluy-an bangud nagatrabaho ang mga ini. Kahapon sang maglakat ang magulang bangud may importante nga ginkuha, kag sa iya pagbalik wala na makit-an ang manghod.

Gilayon nga nagpangayo sang bulig ang pamilya sang bata sa mga opisyal sang barangay kag LDRRMO.

Mga alas 10 kahapon man sang aga, nakit-an ang bangkay sang bata sa sapa mga kapin 50 metros lamang ang kalayuon halin sa ila puluy-an. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.