ISA KA NPA, ANUM KA YUNIT MILISYA, NAG SUNGKA SA OTORIDAD SA NEGROS ORIENTAL

Share on facebook
Share on google
Share on pinterest
Share on twitter
Share on print
(62nd Infantry Unifier Batallion FB Photo)

Nagbalik sa sabak sang gobyerno ang isa ka regular nga miyembro sang New People’s Army ukon NPA kag anum ka yunit milisya sang NPA sa Syudad sang Guihulngan, Negros Oriental.

Ang regular nga miyembro sang NPA ginkilala kay Maximo Abello, dala sini ang isa ka 38 revolver kag isa ka squad 1 member, SDG Platton, Central 1 K. R. Negros, Siquijor, Cebu kag Bohol.

Samtang ang mga Yunit Milisya ginkilala naman nga sanday Romeo Barbiquil, dala ang duha ka 357 revolver, Allan Alpas, dala ang isa ka 38 revolver, Marlou Estrada, Reynaldo Dellantes, Mariano Depaton kag Arlita Jabalde tanan nagapuyo sa Barangay Buenavista sa amo nga Syudad kag Bernaldo Besario.

Ang Yunit Milisya amo ang ginakabig manugpanilag sang NPA. Suno kay 3rd Infantry Division Spokesperson Army Major Cenon Pancito, nagsungka sa 62nd Infantry Battalion kag 704th company sang Philippine National Police ang mga ini.

Isa sa rasun sang ila pagsungka, bangud indi na magwanta ang sitwasyon sang ila pagsinalayo batok sa gobyerno.

Nagalaum si Pancito nga may masunod pa nga magasungka sa pala-abuton nga inadlaw. Ang mga ini igasulod sa Enhanced Comprehensive Local Integration Program ukon E-CLIP nga programa sang gobyerno sa mga naguwa sa rebelde. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.