ISA KA DOKTOR, WALO KA ESTUDYANTE NGA RETURNING RESIDENTS NAG ABOT NA SA BACOLOD

Share on facebook
Share on google
Share on pinterest
Share on twitter
Share on print

Nag abot na sa syudad sang Bacolod ang una nga batch sang mga returning residents nga na-stranded sa probinsya sang Iloilo.

Suno kay Councilor Cindy Rojas, chair sang Action Team on Returning Residents, lakip sa nag abot sa Bacolod ang walo ka mga estudyante sang UP-Visayas kag isa ka doktor nga naga trabaho sa isa ka pribado nga ospital sa Bacolod.

(Councilor Rojas Photo)

Sila ang nag byahe humalin sa Dumangas Port kag nag-abot sa BREDCO Port takna las 4:30 kaina sang hapon, Mayo 5.

Ang walo ka mga estudyante ang ipaidalum sa 14-day mandatory quarantine sa Mariano G. Medalla Integrated School sa Barangay Pahanocoy.

Suno kay Rojas, ang doktor ang ipaidalum man sa 14-dias nga quarantine sa South Hills Academy sa Brgy. Alijis ukon ang quarantine center para sa mga medical healthworkers.

(M.G Medalla Integrated School | Councilor Rojas Photo)

Suno sa Konsehal, sa ikaapat ukon ikalima nga adlaw sang quaratine period ang mga returning residents ang pagakuhaan sang swab specimen.

Suno kay Bacolod City Police Office (BCPO) Operations Chief Police Lt. Col. Lester Leada, magapahamtang sila sang anum ka pulis nga magabulos bulos sa pagbantay sa palibot sang quarantine center sa Brgy. Pahanocoy.

Padayun sa karon nga gina trabaho sang Bacolod ang ginatos pa ka mga stranded nga mga Bacolodnon sa iban nga lugar sa Pilipinas.| Aksyon Dale Salazar, Aksyon John Diaz

MORE STORIES:

ANU ANG IMO MA KOMENTO?

error: Ooops... You are not authorized to copy this content.