ISA KA DOCTOR, DUHA KA NURSES SANG CLMMRH NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Nag positibo sa Covid-19 ang duha ka mga nurse kag isa ka doktor sang Corazon Locsin Montelibano Memorial Regional Hospital (CLMMRH).

Ini suno kay Dr. Julius Drilon, Medical Chief II sang CLMMRH. Sa interview sang Aksyon Firing Line, gin pahayag ni Drilon, una nagwa ang resulta sang duha ka nurse nga nag positibo sa virus kag sunod nag gwa ang resulta sang doktor nga positibo man sa infection.

Suno kay Drilon, kapin 40 nila ka mga hospital personnel ang gin quarantine.

Padayon sa karon ang intensive contact tracing sa posible naka contact sang mga nag positibo.

Sa advisory nga gin pagwa sang hospital, gin pahayag nga naka isolate na ang pasyente antes nag gwa ang resulta sang test.

Gina lantaw ni Drilon nga posible isa ka pasyente sa OB nga gin kabig nga medium-risk ang gin halinan sang masakit.

Suspendido ang in patient services sa idalum sang Department Obstetrics and Gynecology tubtob Agusto 8.

Gin suspend naman ang tanan nga Out-Patient Department services umpisa Agusto 6.

Suno kay Drilon, kon ang pasyente ang gikan sa hotspots areas sang Negros Occidental kag Bacolod sila ang gina kabig nga suspect Covid-19 kag gina isolate na.

Suno kay Drilon, iya ginpahibalo sa publiko ang sitwasyon kag wala sila sang may gina tago kag naga laum nga sundon man ini sang iban nga hospital. | Aksyon Dale Salazar, Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.