IPM-CDC NANINDUGAN NGA NAGA-COORDINATE SILA SA MGA BARANGAY SA PAGHAKOT SANG BASURA
Posted by:
News Desk
|
January 16, 2019
at
10:55 pm
Share on facebook
Share on pinterest
Share on twitter
Share on print
Nanindugan ang IPM-Construction and Development Corporation ukon IPM-CDC nga “closely coordinated” sa mga Barangay sang syudad sang Bacolod para sa paghakot sang mga basura.
Suno kay IPM-CDC Project Supervisor Daryl Abiol nga ila gina-validate sang insakto ang mga ginapalab ot nga reklamu sa ila talatapan angut sa wala makuha nga mga basura.
Ini bangud nga ila man nadiskubrehan nga madamo sa mga nagahaboy sang ila basura nga ulihi na ukon nakalabay na ang truck sang IPM-CDC.
Dugang pa ni Abiol, ila man gina apelar sa mga kapitan sang tagsa ka Barangay nga kinahanglan i-edukar ang pomuluyo angut sa tion sa paghaboy sang basura agud indi mangin problema.
Ginpahayag pa ni Abiol, indi man makapagusto lamang ang mga truck nga nagahakot sang basura bangud may yara ini sang Global Positioning System ukon GPS ang kada salakyan nga amo ang naga-monitor sang ila nga rota. | Askyon Ann Defensor
Gina imbestigahan sang syudad sang Bacolod ang gin alegar pag tamper sang resibo nga gin isyu sa violator nga gin isyuhan sang citation ticket sang Bacolod Traffic Authority Office.
Suno kay Jose Antonio Robello, deputy head sang BTAO, 2,300 pesos ang penalidad sang lalaki nga violator bangud nag maneho sang motorsiklo nga wala sang helmet kag driver’s license nagligad nga Abril 18, 2024.
Sa amo nga penalidad, 1,000 pesos ang bayad sa towing, samtang 1,300 pesos sa pag drive nga wala sang helmet kag wala sang lisensya.
Ginpahayag ni Robello, nagbayad ang violator sang 1,300 pesos sa babaye nga cashier sang City Treasurer’s Office nga assign sa BTAO pero gin alegar 300 pesos lamang ang gin encode.
Gin alegar nga ginbutangan sang cashier sang ‘1’ ang resibo para ini ang mangin 1,300 pesos.
Suno kay Robello, sa ila nga pag usisa, 300 lamang ang nagsulod sa system nga bayad bisan 1,300 ang ginbayaran sang violator.
Ang reklamo ang una gin padangat sa Isugid kay Mayor nga programa. Ang cashier nga ginareklamo ang isa ka regular nga empleyado.
Luyag lamang ni Robello nga maklaro nga wala sang BTAO personnel ang imbolbado dire.
Ginklaro sini nga wala sila nagabaton sang kwarta nga bayad sang mga violator kundi naga isyu lamang sang citation ticket.
REAKSYON NI MAYOR ALBEE
Dismayado si Bacolod Mayor Albee Benitez sa nabaton nga reklamo batuk sa cashier sang City Treasurer’s Office nga assign sa BTAO bga gin reklamo nga nag tamper sang resibo.
Sa interview sang media, Myerkules, ginpahayag sang Alkalde, nga atubangon sang regular nga empleyado ang konsekwensya kag ini ang ipaidalum sa due process.
Ginkumpirmar ni Benitez nga gin saylo na ang ginareklamo sa iban nga trabaho kag indi na cashier nga assign sa BTAO. Ginpahayag ni Benitez, indi na sini kinahanglan nga suliton ang iya panindugan batuk sa korapsyon kag posible luyag nila nga may ma ‘sampolan’.
Gina kilala naman sang alkalde ang mga tawo nga nagapangisog nga mag reklamo kontra korapsyon bangud nagapati nga ang pagtinlo sa gobyerno ang indi lamang iya responsibilidad.
Nagpasiguro si Benitez nga iya gilayon aktuhan ang mga ginapadangat nga reklamo.
Dose ka mga pribado nga unibersidad kag kolehiyo sa isla sang Negros ang magapakigbahin sa pinaka-una nga Negros Island Private Schools Athletic Association (NIPRISAA).
Pormal nga magabukas ang NIPRISAA sa Biernes, Abril 26 sa STI West Negros University.
Tinutuyo sang NIPRISAA nga ipreparar ang mga lokal nga atleta para sa National PRISAA kag iban pa nga sports-related events.
Dugang pa, pamaagi man ang NIPRISAA agud pasanyugon ang National PRISAA kag sang Philippine Sports Commission (PSC) Grassroots Sports Development Program.
May katorse ka mga sports events ang NIPRISAA kag natalana nga patigayunon sa nagkalain-lain nga lugar kalakip na sa STI-WNU, University of St. La Salle-Bacolod, University of Negros Occidental-Recoletos, Panaad Park and Stadium, SM City Bacolod kag Ayala Capitol Central umpisa Abril 26 tubtob April 30, 2024.
“While our government is looking into the structure of the Negros Island Region, kita naman, sa academe, when it comes to sports development program, we went ahead. That’s the reason why we established the Negros Island PRISAA. So, the future is here now. It’s happening,” pahayag ni Dr. Ryan Mark Molina, executive vice president kag chief operations officer of STIWNU.
Si Molina ang nagaserbe man nga second vice president sang National PRISAA,
