IPM-CDC NAGAISAHANON NGA BIDDER PARA SA DUHA KA KONTRATA

Share on facebook
Share on google
Share on pinterest
Share on twitter
Share on print

Nagaisahanon nga bidder ang IPM-CDC para sa duha ka separado nga kontrata nga paghakot sang basura sa syudad sang Bacolod kag pagmintinar sang sanitar landfill sa Barangay Felisa.

Suno kay Atty. Maphilindo Polvora, chairman sang Bids and Awards Committee, ang bidding ang ginpatigayon sa session hall sang Sangguniang Panlungsod nagligad nga Lunes, Abril 5.

Ang duha ka separado nga kontrata ang para sa bulan sang Mayo tubtob Disyembre 2021.

Ang paghakot sang basura ang nagabalor 191.9 million pesos sa sulod sang walo ka bulan samtang ang operation kag mintinar sang landfill ang balor 63.9 million pesos.

Suno kay Polvora, pagkatapos sang bidding, ang Technical Working Group ang magapatigayon sang post-qualification evaluation para mausisa ang mga dokumento sang IPM-CDC.

Sa nahibaluan, ang apat ka bulan nga extended contract sang IPM-CDC ang magatakop sa Abril 30, 2021. | Aksyon Dale Salazar

BACOLOD GINA FINALIZE ANG PAGLIGWAT SA REGULASYON SA LIQUOR BAN

Gina tapos na lamang sang komitiba ang pag dihon sang Executive Order nga naga tuyo sa pag ligwat sang liquor ban nga regulasyon sa syudad sang Bacolod.

Suno kay City Legal Officer Atty. Joselito Bayatan, wala gid man sang dako nga pagbag-o sa amo nga regulasyon magluwas sa pag suspend sang gradual permission nga gin hatag sang syudad sa pila ka mga negosyante nga gin tugutan sa pag serbe sang ilimnon ilabi na sa mga hotel kag restaurant.

Dugang pa ni Bayatan, mahimo sa gihapon nga maka bakal sang ilimnon ang publiko apang base lamang sa gin talana nga tiyempo kag dapat patigayunon lamang sa sulod sang puluy-an kag indi sa pampubliko nga lugar.

Sa idalum sang existing nga regulasyon, pwede makaserbe kag makainom sa pila ka mga establisamento umpisa las 6 tubtob las 9 sang gab-i, samtang ginatugutan ang pagbakal sang ilimnon humalin las 12 sang udto tubtob las 6 sang gab-i pero mag inom sa pribado nga lugar. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.