Wala na sang limitasyon sa kon sin o lamang ang makagwa umpisa Hunyo 1 tubtub Hunyo 15, ang inadlaw nga ang Negros Occidental ginpaidalom sa Modified General Community Quarantine.
Sa executive order no. 20-25 series of 2020 ni Governor Eugenio Jose Lacson, ginapahanugutan na ang indoor kag outdoor non-contact sports kag iban pa nga sahi sang pag-ehersisyo kaangay walking, jogging, running, biking, golf, swimming, tennis, badminton, equestrian kag skateboarding.
Apang, kinahanglan nga sundon ang public health standard kaangay sa pagsuksuk sang facemask, social distancing kag indi pwede nga i-share ang gina-usar nga equimpment.
Ang mass gatherings,pwede na apang limitado lamang sa 50 porsiyento ang venue ukon ang seating capacity sang mga establisyimento. Magadepende naman sa desisyun sang local chief executives sa banwa kag syudad ang curfew para sa mga wala naga-trabaho kag high risk groups nga vulnerable sa COVID-19.