INDIAN NATIONALS NAGHATAG SANG BUGAS SA 100 KA PAMILYA SA BRGY 8

Share on facebook
Share on pinterest
Share on twitter
Share on print

Nagpanagtag sang tag 5 ka kilo nga bugas ang mga Indian nationals nga sanday Janny Bapla kag Rama Chahal sa 100 ka selected beneficiaries sang Purok Narra Baybay,Barangay 8 syudad sang Bacolod, Abril 28.

Ini ang gin-updan sang kapulisan sang Police station number 2 upod ang mga barangay officials sang Barangay 8.

Suno kay Kapitan Johana Magalona sang Brgy. 8, dako ang iya pasalamat sa mga pribado nga indibidwal nga nagapalapit sa ila kag nagahatag sang bulig para sa iya mga nasakupan nga kubos nga nadulaan sang pangabuhian bangud sa ginpatuman nga Enhanced Community Quarantine.

Suno naman kay Chahal, nagabulig sila sa mga nagakinahanglan kag ini ang ila ginapakita para ma engganyo ang iban nga may ikasarang nga magbulig man sa iban nga tawo.

Palayag ni Chahal, kon may sobra dapat ihatag kag ibulig sa iban bangud kon madula sa kalibutan indi man madala ang manggad. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.