1,000 ka mga day care pupils gikan sa nag kalain-lain nga barangay sa syudad sang Bacolod ang maga pakigbahin sa ikaduha nga children’s party sa MassKara Festival sa Bacolod Government grounds takna las 9 sang aga sa Oktubre 25.
Suno kay City Councilor Cindy Rojas, chairman sang kahiwatan, ang mga estudyante ang gikan sa 25 ka mga day care centers gikan sa urban kag rural barangay sa syudad.
Gin paathag ni Rojas nga lain nga mga estudyante ang beneficiary subong nga tuig ikomparar sa una nga children’s party nga gin hiwat sang Oktubre 2018.
Nagpasalamat si Festival Director Eli Tajanlangit sa isa ka kilala nga fast food chain nga nag partner sa ila sa sini nga kahiwatan.
Suno kay Tajanlangit, highlight sang kahiwatan ang pag huyop sang kandila sa giant cake kag may yara man sang pahampang kag entertainment para sa mga kabataan. | Aksyon Dale Salazar