IKADUHA NGA BATCH SANG RETURNING OFWs SA BACOLOD NAG ABOT NA

Share on facebook
Share on google
Share on pinterest
Share on twitter
Share on print

Nag-abot na sa syudad sang Bacolod ang ikaduha nga batch sang returning OFWs subong nga hapon, Mayo 13.

Suno kay Councilor Israel Salanga, chair sang Action Team on Returning OFWs, sakay sa 2GO malasakit vessel ang 10 ka mga Bacolodnon nga OFWs kag maga paidalum sa 14-day mandatory quarantine sa isa ka hotel sa Bacolod.

Nagapati naman ang konsehal nga ang mga OFWs nga maga abot ang ginpaidalom sa insakto nga proseso kag may nagakaigo nga dokumento kaangay sang certification nga negatibo sila sa Covid-19.

Ginklaro naman ni Salanga nga sa gihapon, wala sang koordinasyon gikan sa gobyerno nasyunal apang indi pwede nga balibaran ang naga abot base man sa mando ni Presidente Rodrigo Duterte.

Suno kay Dr. Grace Tan, spokesperson sang Bacolod IATF, bwas nga adlaw, Mayo 14 maga tapos ang 14-day quarantine period sang una nga batch sang returning OFWs pero indi pa sila makapauli sa ila balay bangud pending pa ang resulta sang ila ikaduha nga Covid-19 RT-PCR Test.

Apat sa 28 ka returning OFWs nga naka facility quarantined sa Bacolod ang nag positibo sa Covid-19, duha ang residente sang Bacolod samtang ang isa ang residente sang Valladolid, kag ang isa ang residente sang Bago.

Ang apat ang tanan asymptomatic ukon wala sang sintomas nga ginabatyag.| Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.