Pormal nga maga bukas ang ika-40 nga MassKara Festival sa Bandstand sang Bacolod Public Plaza bwas nga adlaw, Oktubre 7 takna las 6 sang gab-i.
Suno kay Festival Director Eli Tajanlangit, lauman sa opening ceremony ang fireworks, light shows kag maduagon nga mga performances nga gin-direct ni Amber Marie Aguilar.
Makit-an man sa programa ang Electric MassKara float, MassKara Mob Dance, MassKara Queen Candidates, kag international solo mask performers sa Cambodia kag Indonesia.
Maga saot man ang 14 ka mga barangay nga maga intra sa Street kag Arena Dance competition. Pormal man nga maga bukas ang festival sites sa Plaza, Bacolod Government Center kag carnival sites sa kilid sang Pope John Paul Tower kag football field sang Bacolod Government Center.
Sarang makit-an ang mga aktibidad sang kahiwatan sa website nga masskarafestival.ph. | Aksyon Dale Salazar