Sa tuyo nga mapasangkad ang kampanya sa mental health, 37 ka mga modelo ang maga pakigbahin sa ‘Born Brave’ isa ka fashion show for a cause sa SMX Convention Center takna las 8 sang gab-i bwas nga adlaw, Oktubre 12.
Ang kahiwatan ang suportado ni Congressman Greg Gasataya para sa benepisyo sang Happy Hearts Foundation ni Vickie Rushton kag Youth for Mental Health Coalition Inc.
Sa press conference, gin pahayag ni Rodney Escalan, director sang Born Brave, ang kahiwatan nga magalawig sang isa ka oras kag tunga kag diri ipakita ang mga bayo nga gin design sang tatlo ka mga designers sa Iloilo, walo gikan sa Bacolod kag apat gikan sa Manila.
Maga padulong man sa syudad si Albert Andrada nga amo ang nag desinyo sang blue gown ni Ms Universe 2015 Pia Wurtzbach kag ini ang iga exhibit sa amo nga kahiwatan.
Lakip sa mga modelo nga maga pakigbahin sa kahiwatan amo sanday Bb. Pilipinas 2019 2nd runner-up Samantha Bernardo, Bb. Bacolod Cassandra Chan kag iban pa.
Sa nahibaluan, base sa record sang Police Regional Office 6, ang Bacolod ang ikaapat sa may pinakadamo nga suicide cases sa Western Visayas nga may 12, nanguna ang probinsya sang Iloilo nga may 59, ikaduha ang Capiz nga may 26 kag ikatatlo ang Negros Occidental nga may 23. | Aksyon Dale Salazar
