HPG NEGROS OCCIDENTAL TARGET ANG HIMAMAYLAN CITY NGA MANGIN ‘TRAFFIC DISCIPLINE ZONE’

Share on facebook
Share on google
Share on pinterest
Share on twitter
Share on print

Ginatinguhaan sang Negros Occidental Highway Patrol Group (HPG) nga mangin isa ka traffic discipline zone sa probinsya sang Negros Occidental ang syudad sang Himamaylan.

Suno kay Negros Occidental HPG Head Police Captain Robelito Mariano, suportado sang lokal nga panguluhan sang Himamaylan ang programa sang HPG rasun kun ngaa nangin mahapos sa ila ang pagpatigayon sang road clearing operation kag Oplan Disiplinang Driver.

Sa ginpatigayon road clearing operation ginhold kag karun gin-impound sa Traffic and Management Unit (TMU) sa syudad sang Himamaylan ang 15 ka mga motorsiklo.

Nagdangat naman sa 20 ka mga salakyan ang ginhatagan sang Temporary Operator’s Permit (TOP) ticket matapos maaktuhan nga nagalapas sa layi sa dalanon kag protocol nga ginapatuman sang Land Transportation Office (LTO).

May masobra naman 30 ka mga salakyan ang ginhatagan sang citation tickets bangud sa paglapas sa traffic ordinances kag protocol sang syudad sang Himamaylan.

Nagapati si Mariano nga sa padayon nga suporta sang local government unit malab-ot ang handum nga mangin isa ka traffic discipline zone ang syudad. | Aksyon John Diaz

SIKAT NGA SUBA SA KAPITAN RAMON, SILAY CITY TEMPORARYO NGA GINPASIRA

(Lexplorations PH FB Page | Algene Bacotod Photo)

Temporaryo nga ginpasira sang LGU sang syudad sang Silay ang suba sa mga pangayaw sa Sitio Lupa, Barangay Kapitan Ramon, Silay bilang precautionary measure kontra Covid-19.

Sa interview sang Aksyon Radyo, ginpahayag ni Silay Mayor Mark Golez, ang ini nga tikang nag base man sa ordinansa sang syudad nga nagadumili sa mass gathering ukon pagtililipon.

Dugang pa ni Golez, ini ang inisyatibo man sang syudad kasunod nga narecord ang anum ka Covid-19 cases sa Kapitan Ramon bisan nga malayo na ini nga lugar.

Subong nga adlaw, Sabado, Mayo 8, sang nag umpisa ang temporary closure sang suba.

Base sa impormasyon ni Golez, 2 mil tubtob 3 mil ka mga tawo ang nagapadulong sa lugar kag iban sa ila ang gikan pa sa Kabankalan kag San Carlos.

Ginpahayag sang Alkalde, nga iya na gintugyanan ang Silay PNP nga magpahamtang sang checkpoint sa dalan padulong sa suba.

MORE STORIES:

LIKE US ON FB

error: Ooops... You are not authorized to copy this content.