HPG LIWAT MAGA OPERATE BATUK SA MGA OBSTRUCTION SA BIKE LANE

Share on facebook
Share on google
Share on pinterest
Share on twitter
Share on print
(ARB File Photo)

Ginpaandaman ni Highway Patrol Group Provincial chief, PMaj. Robelito Mariano, ang mga nagapanag-iya sang salakyan ilegal nga nagaparking sa mga bike lanes nga napahamtang sa mga mayor nga dalanon sa syudad sang Bacolod nga ila pagaisyuhan sang Temporary Operators Permit sa tion nga sila ang maaktuhan.

Sa interview sang Aksyon Radyo kay Mariano, ginpahayag sini nga nagpangabay sa ila ang pamunuan sang DPWH sa syudad mga hawanan ang mga bike lanes nga ginahimo na lamang parkingan sang pila kag mga pribado kag pangpubliko nga salakyan.

Dugang pa ni Mariano, sa pagpakigsapol sini sa mga opisyal sang DPWH upod sa LTO kag TMU/BTAO natalana nga pagahawanan sini nga semana ang mga salakyan nga nagaserbi obstruction sa mga bike lanes kag pagaisyuhan sang notice of violation ang mga nagapanag-iya sang salakyan sa tion nga maaktuhan ang mga ini. | Aksyon Alvin Grava

MAG AMAY GINBUNO, PILASON

Ginabulong karon sa Vicente Gustilo District Hospital ang mag-amay matapos ginbuno sa sulod sang Flor Rice and Feeds Supply Store sa Escalante Shopping Center, Barangay Balintawak syudad sang Escalante sang Byernes nga adlaw, Abril 9.

Ang mga biktima ginkilala sa ila nanday Teddy Flor, 42 anyos kag ang amay sini nga si Teody, 69 anyos, residente sang Purok Bagong Buhay 2, sa amo nga syudad.

Suno kay Lt Col. Gil John Despi, hepe sang Escalante PNP, pasado las 3 sang hapon, biyernes nag-inum sang tatlo ka botelya sang beer si Cerello Requiron,  43 anyos sa TMF Eatery,  apang wala nagbayad rason nga ini ang ginpalapitan ni Teddy Flor sa tuyo nga sukton kon tani, sa baylo ini siya ang ginbuno.

Nagdali-dali naman sa pagpalapit ang amay sini nga si Teody apang ginbuno man ni Requiron.

Sa follow up operation, nadakpan si Requiron kag karon nahunong na sa custodial facility sang Escalante City police station.| Aksyon Alvin Grava

HANAY SANG NEGOSYANTE PABOR NGA IPAIDALUM SA GCQ ANG PROBINSYA

Kumporme ang mga negosyante nga ipaidalom sa General Community Quarantine kag pagligwat sang gurfew hours nga ipatuman sa probinsiya sg Negros Occidental. 

Sa interview sg Aksyon Hotline kay Metro Bacolod Chamber of Commerce and Industry chief executive Frank Carbon, nalipay sila kag ila gina abi-abi ang ginpatuman nga solusyon ni Governor Eugenio Jose Lacson kag sang mga alkalde sang kada banwa kag syudad.

Dugang pa ni Carbon, gamay lang ang epekto kon temprano pa magasira ang mga negosyo bangud  makabawi man kon aga.  Palayag ni Carbon, dyutay gid lamang ang adjustment kag kinalain sang mga pagsulundan kon napaidalom ang lugar sa MGCQ ukon GCQ. 

Suno kay Carbon, panahon na nga pahanugutan ang local IATF nga magdesisyon sang para sa ila mga nasakupan bangud sila ang mas nakahibalo sg dapat kag mga kinahanglanon sang mga pumuluyo. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.