HPG KAG BCPO MAGA OPERATE SA MGA PASAWAY NGA DRIVER UMPISA SA LUNES

Share on facebook
Share on google
Share on pinterest
Share on twitter
Share on print

Umpisa sa maabot nga Lunes (Oktubre 19, 2020) paga-umpisahan na sang Highway Patrol Group kag Bacolod City Police Office ang pagpandakop sa mga pasaway nga mga drayber.

Suno kay P/Capt Robelito Mariano, tagpamuno sang HPG sa Negros Occidental, nakabaton ang ila ahensya ang deputization order gikan sa LTO kag ginamanduan nga mandakop sang mga pasaway nga drivers nga mahimo nakabayular sa R.A. 4136.

Dugang pa ni Mariano, sa karon madamo naman sa mga drivers sang trucking ang nagapagusto na lamang karga sang tubo nga naga-awas na sa mga dalanon kag halos matabunan pa ang  tail lights rason nga nagakatabo ang mga aksidente.

Ginpaandaman ni Mariano, ang mga drivers sang mga nanari sari nga salakyan para sa kurtesiya sa dalanon nga ila natun-an gikan sa seminar sang LTO.

Sa pihak sang pandemya, pagatutukan sang ila ahensya ang pagpatuman sang health protocol sa mga salakyan depasahe  kaangay sang pagsuksuk sang face mask kag face shield nalakip na ang social Distancing. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.