Nagapadayon ang hot pursuit operation sang Police Station 1 batok sa lima ka persona nga nagkastigo kag nagbuno sa barbero kahapon sang hapon sa Galo St. Barangay 11 syudad sang Bacolod.
Suno kay Police Major Ramil Sarona, hepe sang Police Station 1 wala sa lugar ang mga suspetsado sang ila ginkadtoan.
Dugang pa ni Sarona, nag coordinate na siya sa barangay official kag pamilya sang mga suspetsado agod mapasungka.
Madumduman ang biktima ginkilala kay Richard Cahutay, 49 anyos kag naga-istar sa Las Rocas Barangay 11 syudad sang Bacolod.
Si Cahutay ang napatay matapos nakaangkon sang duha ka buno sa lawas.
Sa pagpangusisa ni Sarona si Victor, si Rojo alyas “Ewoks” amo ang nagbuno kay Cahutay samtang ang apat sini ka mga kaupdanan ang nagbulig kastigo sa biktima.
Suno kay Sarona, naakig si Rojo kay Cahutay bangod sa baylo nga shabu ang ihatag sa iya pinudpod nga snow bear ang ginbaligya sang suspetsado.
Ginpahayag ni Karen Chung, live-in partner ni Cahutay nga indi para sa biktima ang shabu kundi para kon tani sa iya amigo.