Gin-inquest sang Himamaylan PNP sanday Joenifer Hermino kag Glenn De Baguio ang nadakpan nga gin-alegar mga miyembro sang New People’s Army ukon NPA.
Suno kay PMaj Romeo Vargas, hepe sang Himamaylan PNP, paglapas sang laye nga paghupot sang armas luthang kag explosibo ang kaso nga ginpasaka batok sa mga suspetsado.
Dugang ni Vargas ini lang nga mga kaso ang ila ginpasaka base man sa ebidensya nga gin-intrigar sang Philippine Army nga amo ang nagdako sa mga ini.
Wala sang record sa Himamaylan PNP nga imbolbado sa pagpanghold kag pagpangakayo sanday Hermino kag De Baguio.
Palayag ni Vargas, separar man ang mga nabaton nga impormasyon sang Philippine Army kag ang PNP.
Sanday Hermino kag De Baguio nadakpan sang Philippine Army sa Sitio Basak, Barangay Buenavista matapos makabaton sang impormasyon nga ang mga ini nagapamahog kag nagapangayo-kayo sa pumoloyo. | Aksyon Bryan Morden