HIGH-VALUE INDIVIDUAL NAKUHAAN SANG 68K NGA BALOR SANG SUSPECTED SHABU SA BRGY BANAGO

Share on facebook
Share on google
Share on pinterest
Share on twitter
Share on print

Arestado ang isa ka high value individual sa ginpatigayon nga buy bust operation sang Bacolod City Police Office-City Drugs Enforcement Unit (BCPO-CDEU) kaina sang hapon sa Purok Langis, Brgy. Banago syudad sang Bacolod.

Ang nadakpan ginkilala kay John Mark Equibal alyas “Yubyob”, 22 anyos, sang Purok Sigay, Brgy. 2 syudad sang Bacolod.

Narekober kay Equibal ang duha ka dalagko kag apat ka palaba nga sachet sang ginasuspetsuhan shabu nga ginabulubanta nagabalor 68,000 pesos; 500 pesos nga marked money kag pouch.

Si Equibal ang nadakpan naman sang kaangay nga kaso sadtong Abril 3, 2017 apang nahilway gikan sa prisuhan sadtong bulan sang Enero 25, 2019 bangud sa plea bargaining agreement.

Priso karun si Equibal sa custodial facility sang Police Station 3 para sa nagakaigo nga disposisyon. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.