Gin-relieve sa pwesto bilang hepe sang Police Station 8 si Police Major Charles Gever kag apat ka iban pa nga pulis epektibo Mayo 6 matapos wala nagsunod sa mando ni Bacolod City Director Police Col. Henry Biñas.
Suno kay Biñas, may ginmando siya kay Gever nga wala natuman angut sa Enhanced Community Quarantine ukon ECQ.
Ginahulat ni Biñas, ang investigation report sang Investigation and Detective Management Branch sang BCPO angot sa wala niya pagtuman sang mando.
Si Police Chief Executive Master Sgt. Voltaire Sy amo ang magabulos kay Gever bilang officer-in-charge sang Police Station 8 sa idalum sang supervision ni Police Lt. Col. Levy Pangue.
Gin-relieve man si Police Corporal Chrismar Leduha, Police Corporal Rusty Niño, Patrolman Reenmar Bermil kag Patrolman Philip Cueto. Si Gever upod sang apat ang gindestino sa admin office sang BCPO. | Aksyon Eric Magbanua