HELPER KAG PASAHERO NGA NAPATAY SA AKSIDENTE SA DALAN, NAKILALA NA

Share on facebook
Share on google
Share on pinterest
Share on twitter
Share on print
Bago City –  Nakilala na ang duha ka persona nga napatay sa aksidente alas 5:10 kaina sang aga sa Purok Papaya, Barangay Calumanggan, siudad sang Bago. 
Suno kay Senior Insp. Hercules Trigue, Deputy Chief of Police sang Bago City PNP ginkilala ang mga napatay nga sanday Rolando Limacu,60 anyos, helper sang truck kag pomuluyo sang Barangay Suay, siudad sang Himamaylan kag Jake Cabarles, 22 anyos, isa sa pasahero sang van kag pomuluyo sang Purok Daan Banwa, Barangay Inayawan, Cauayan. 
Sa imbestigasyon sang kapulisan, nakabunggo ang Foton van nga ginamaneho ni Benjie Gamarza, sa nalikod nga bahin sang truck.
Bangud sa mabaskog nga impact, aksidente nga nawahig ni Gamarza ang manebela apang, nagderisto ini sa unahan nga bahin sang truck sa diin yara si Limacu nga nagatakod sang goma.
Nadalasa si Limacu sang van nga amo naman ang gin tunaan sang iya kamatayon.
Samtang, tungod nga wala na sang control si Gamarza sa van, nagderitso ini sa kanal nga amo naman ang gin tunaan sang kamatayon ni Cabarles kag pagkapilas sang mga pasahero nga sanday NUP Bjay Bayoneta, NUP Eden Bito-on, NUP Grace Regalia Camayra, Mary Joy Cavira, Efren Generoso, Analyn Gerangis, Norma Tigbao, Rogelio Dionson, Jan Jery Cervo, kag  Goeffrey Bequiso.
Kasunod sang hitabo, nagpalagyo ang driver sang truck nga gin kilala kay Johnny Catañag nga pomulyo sang Purok Sampaguita, Barangay Suay, siudad sang Himamaylan.
Si Gamarza ang nagapabilin sa custodial facility sang Bago City PNP.
Sandig sa kondisyon sang mga nagkalapilasan, suno kay Trigue duha na ang nakagwa sa hospital. *Aksyon Ann Defensor// Firing Line

MORE STORIES:

ANU ANG IMO MA KOMENTO?