HALF-WAY HOUSE NGA GIN ARKELAHAN SANG LMP PARA SA MGA WATCHERS SANG CLMMRH, GIN BUKSAN NA

Share on facebook
Share on google
Share on pinterest
Share on twitter
Share on print
(Mayor Richard Jaojoco FB Photo)

Ginbuksan na subong nga adlaw Nobyembre 5, 2020 para sa mga hospital watchers, ang half-way house nga gin-arkelahan sang League of Municipalities of the Philippines (LMP) Negros Occidental.

Ini ang para sa pamilya sang pasyente nga naapektohan sang “no watchers” policy sang Corazon Locsin Montelibano Memorial Reg’l. Hospital (CLMMRH).

Sa interview sang Aksyon Radyo Bacolod, ginpahayag ni  Toboso Mayor Richard Jaojoco, nga gin-umpisahan naman sang LMP ang paghimo sang watchers pass ukon ID kag pagset-up sang help desk malapit sa CLMMRH.

Suno sa alkalde, dapat lamang magparehistro sa help desk ang sin-o man nga watchers antis tugutan nga makatener ukon pahuway sang libre sa half-way house.

Ini ang sarang nga makaakomodar sang 60 tubtub 70 ka mga persona. Ang pag-arkela,  ang una nga inisyatibo ni  Jaojoco para mabuligan ang mga taga Toboso nga naapektohan sang no watchers policy.

Sadtong Miyerkules, ila ginkasugtan ni LMP Negros Occidental Chapter Pres. Valladolid Mayor Bebot Miravalles nga magbuligay ang mga munisipalidad,  agud masulbar ang problema sang mga hospital watchers.

Gin-implementar ang no watchers policy sa CLMMRH agud malikawan ang paglapta sang Covid-19. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.