HAGNA NGA NAGA-CONVERT SANG CHMSC PAKADTO STATE UNIVERSITY, APRUBADO NA SA THIRD KAG FINAL READING SA KONGRESO

Share on facebook
Share on google
Share on pinterest
Share on twitter
Share on print

Gin aprubahan sang kongreso sa third kag final reading ang House Bill 8732 ukon hagna nga naga-convert sang Carlos Hilado Memorial State College ukon CHMSC sa Carlos Hilado Memorial State University ukon CHMSU sadtong Enero 14.

Photo: CHMSC FB Page

Nagpasalamat si Bacolod Congressman Greg Gasataya, main author sang hagna, sa mga kaupod nga kongresista sa pag aprub sang hagna sa tuyo nga mas mapaayo ang kalidad sang edukasyon sa Bacolod kag sa pungsod.

Ginpasalamatan man ni Gasataya ang tagdumalahan kag staff sang CMHSC, CHED, kag academic officials sa pagpreparar sa mga requirements. Suno kay Gasataya, sa tion nga mangin layi ang ini nga hagna, ang buluthuan ang makabaton sang dugang nga pondo sa gobyerno nasyunal kag makatanyag sang dugang nga mga kurso kag programa.

Sanday Rep. Alfredo Benitez kag Rep. Alejandro Mirasol ang nagaserbe co-author sang hagna.

Ang CHMSC ang may apat ka campus sa probinsya lakip na ang CHMSC-Alijis, CHMSC-Fortune Town, CHMSC-Talisay kag CHMSC-Binalbagan.

Sa karon, suno kay Gasataya nagapakig-angut na ini sa talatapan ni Senador Paolo Benigno ‘Bam’ Aquino nga amu ang magahimo sang counterpart bill sa senado. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.