Nadakpan sang Police Station 7 ang guwardiya nga ginatudlo suspek sa kamatayon sa anay forklift operator, sa balay sang iya bayaw sa Purok Narra Barangay Tabugon syudad sang Kabankalan kaina sang udto, Nobiembre 23.
Sa interview sang Aksyon Radyo Bacolod, ginkumpirmar ni Police Station 7 Commander Conrado Espino nga nagmadinalag-on ang ila pursuit operation sa koordinasyon man sang Kabankalan PNP nga nagresulta sa pag-aresto sa kay Security Guard Antonio Enanoria sang Seniority Security Agency, 25 anyos kag nagatrabaho sa 7G Tyko International Corp. sa Felisa Road Brgy. Mansilingan syudad sang Bacolod.
Dugang pa ni Espino, wala na nagbato pa si Enanoria sang ini ang gin aresto matapos nga aminado ini sa iya krimen nga nahimo.
Sa madumduman, patay ang biktima nga ginkilala sa kay Joebe Natividad Jr, 31 anyos matapos ginluthang ni Enanoria sang ini ang nagpamilit nga magsulod sa compound sang nasambit nga korporasyon. | Aksyon Eric Magbanua
