Natalana nga maga patigayon sang hugot nga monitoring ang talatapan sang General Services Office ukon GSO angut sa posible pag dagsa sang publiko sa mga public cemetery sa palibot sang syudad antis pa man ang temporary closure nga ipatuman sang syudad umpisa Oktubre 29 tubtob Nobiyembre 4.
Suno kay Bacolod City GSO head Jerome Solinap, ila na nga gina antisipar ini nga sitwasyon angut sa gina paabot nga pagpadulong sang publiko sa mga patyo agud sa pag bisita sang ila mga minatay.
Dugang pa ni Solinap, iya na nga gin hatagan sang instruction ang natungdan nga mga care taker sang pampubliko nga mga sementeryo, agud ipasiguro nga mapadayon ang implementasyon sang naga kaigo nga health protocol bilang proteksyon sa gina kabalak-an nga paglapta sang COVID 19. | Aksyon Art Tayhopon