GROUNDBREAKING SANG NOLITC GIN PATIGAYON

Share on facebook
Share on google
Share on pinterest
Share on twitter
Share on print
(CAPITOL PIO PHOTO)

Ginpangunahan ni Negros Occidental Governor Eugenio Jose Lacson ang groundbreaking sang Negros Occidental Language and Information Technology Center (NOLITC) Global Campus sa Hda. Mana-ul syudad sang Talisay subong nga adlaw, Myerkules

Nagtambong man si Talisay City Mayor Neil Lizares, kag nagpahayag nga ini nga proyekto ang makabenepisyo indi lamang sa mga Talisaynons kundi sa mga pumuluyo sa bug-os nga probinsiya.

Suno sa alkalde, ini nga development ang mangin alagyan para kilalahon ang syudad sang Talisay bilang masunod nga Smart City.

Ang NOLITC nga karon nahamtang sa Paglaum Sports Complex dalan Hernaez syudad sang Bacolod, amo ang una nga government-run IT Center sa Western Visayas, kag hub sang language and information technology learning sa Negros Occidental. | Aksyon Marlon Genovea

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

BACOLOD DILG CHIEF MADAYAG, NEGATIBO ANG RESULTA SA COVID19 TEST

Nabaton na ni Bacolod City DILG chief Ma. Joy Marideth Madayag ang resulta sang iya swab test nga gin patigayon tinalikdan nga Lunes.

Suno kay Madayag, nangin negatibo ang resulta sang iya RT-PCR test nga nangin kabahin sang precautionary measure nga ginhimo sang ila talatapan bangud sa pag positibo sang isa nila ka empleyado sa Region 6.

Dugang pa ni Madayag, nagpatigayon sang Regional Conference ang ila talatapan tinalikdan nga semana gani ang amo nga RT-PCR test ang isa sang mga requirement agud ipasiguro nga ini ang hilway sa COVID 19.

Liwat naman nga nagpatigayon sang disinfection ang iya talatapan karon nga adlaw, samtang natalana naman nga maga balik ang ila operasyon sa DILG Bacolod sa bwas nga adlaw Enero 28.

MORE STORIES:

LIKE US ON FB

error: Ooops... You are not authorized to copy this content.