GRACE PHARMACY NAG KLARO NGA WALA SANG EMPLEYADO NGA NAG POSITIBO SA COVID-19 SA BAGO CITY
Posted by:
News Desk
|
August 10, 2020
at
7:20 pm
Share on facebook
Share on pinterest
Share on twitter
Share on print
Gina klaro sang management sang Grace Pharmacy nga as of August 10, wala sang empleyado sa ila branch sa Bago City nga nag positibo sa COVID-19.
Suno sa Management sang Grace Pharmacy, ila ginapasiguro sa publiko nga inkaso may mag positibo sa isa sa ila mga empleyado, sila mismo ang boluntaryo nga maga seal-off sang branch nga apektado.
Magluwas diri, gina pasiguro man sang pamunuan nga nagapatuman sila sang mga nagakaigo nga minimum public health standards sa tanan nga branches sang Grace Pharmacy.
Nabalik na ni BTAO Head Patrick Lacson ang isa ka bag-o nga salakyan sa idalum sang MABB Cab system nga nakuhaan sang litrato nga naka park sa gwa sang iya balay kag ginkuha ang logo sang syudad.
Una nga gin post ang litrato sang Toyota Avanza sa Bacolod Exposed FB private group nga kabahin sang 10 nga ginbakal sang LGU para sa MABB Cab.
Sa phone patch interview, Biernes, ginpahayag ni Lacson, nga isa ka adlaw kag tunga naglawig ang salakyan sa iya kag nagpadala na ini sang letter of apology kay Mayor Albee Benitez.
Pero ginpaathag ni Lacson, wala ini sang malain nga intensyon kag may yara lamang sang miscommunication nga natabo.
Ginpaathag ni Lacson, November 2023, may mitsubishi adventure nga gin detail ang LGU sa iya bilang BTAO Head pero may pangabay man sa LGU sang patrol car para sa ila operasyon. Suno kay Lacson, gin-convert sini pakadto sa patrol car ang gintugyan sa iya nga salakyan.
Dugang pa sang BTAO Head, nakalab-ot sa iya ang impormasyon nga sa 10 ka bag-o nga salakyan, lima lamang dire ang naga operate bangud sa kakulang sang regular nga driver.
Suno pa kay Lacson, iya ginkakas ang logo ka LGU sa salakyan bangud ini ang iya gina usar sa monitoring sang mga traffic enforcers kon nagatrabaho ukon wala.
Nag isyu naman si City Legal Officer Atty. Romeo Carlos Ting Jr. sang notice to explain sa BTAO Head. | Bacolod Exposed Photo/FB
