GRAB DRIVER KAG ISA PA KA PERSONA NAKUHAAN SANG TUNGA SA MILYON KA PESOS NGA SHABU, ARESTADO

Share on facebook
Share on google
Share on pinterest
Share on twitter
Share on print

Kapin sa tunga sa milyon ka pesos (500,000) nga balor sang ginasuspetsuhan shabu ang narekober sang mga kapulisan sang Regional Drug Enforcement Unit (RDEU) sa buy bust operation nga ginpatigayon

Nadakpan ang subject sang operasyon kahapon sang hapon sa Purok Cereza North, Brgy. 3, syudad sang Bacolod. ginkilala kay Amir Ahmad Ali alyas Ali Akmad, 39 anyos sang amo man nga lugar. Narekober sa posisyon ni Ali ang anum ka bulto kag apat ka palaba nga sachet sang ginasuspetsuhan shabu.

Samtang, dakop man si Edwin Ledesma, 48 anyos, sang amo man nga lugar matapos makuhaan sang duha ka gagmay nga sachet sang ginasuspetsuhan shabu.

Suno kay Sr. Insp. Marc Joeil Reclamado, Team Leader sang RDEU-Negros, kapin isa ka semana ang surveillance nga ginpatigayon sang kapulisan batuk kay Ali.

Dugang pa ni Reclamado, frontline ni Ali ang iya trabaho bilang isa ka grab car driver apang sa likod sini ang iya negosyo nga iligal nga droga.

Ginabulubanta nagabug-at sang 35 gramos ang narekober nga ginasuspetsuhan shabu nga basi sa Dangerous Drug Board Market Value nagdangat sa tunga sa milyon ka pesos.

Kaso nga paglapas sang layi nga nagadumili sa pagbaligya kag paghupot sang iligal nga droga ang ipasaka batuk sa mga nagkaladakpan nga priso sa kustodiya sang Police Station 2.

MORE STORIES:

LIKE US ON FB

error: Ooops... You are not authorized to copy this content.