GOVERNOR MARAÑON, GINPAUMPAWAN ANG KABALAKA SANG PUMULUYO MAY ANGUT SA POSIBLE IDULOT SANG SUPERTYPHOON OMPONG

Share on facebook
Share on google
Share on pinterest
Share on twitter
Share on print
Indi dapat magkabalaka ang mga Negrense sa paglaslas sang Supertyphoon Ompong nga ginapaabot nga magasulod (karon sa gab-I ukon buwas nga adlaw) sa Philippine area of responsibility. Ini ang ginklaro ni Negros Occidental Governor Alfredo Maranon Jr., matapos maglapta ang nagkalain-lain nga impormasyon ukon advisory sa social media may kaangtanan sa mabaskog nga bagyo. Suno sa gobernador nga basE sa report sang Provincial Disaster Management Program Division, 245 kilometro por ora ang puwersa sang bagyo apang malayo ini nga magsentro sa pungsod kag posible nga magadala lamang sang mga pag-ulan. Dugang pa ni Marañon, ang bagyo Ompong ginapaabot nga magalaslas sa 1,390 kilometro nga kalayuon halin sa nasidlangan sang Luzon kag maga-igo sa Taiwan ukon Southern Japan. Ginpahanumdum man sang gobernador nga indi sa gilayon magpati sa mga ginapalapta nga impormasyon kag mag-base lamang sa report sang Philippine Atmospheric, Geophysical and Astronomical Services Administration.

MORE STORIES:

LIKE US ON FB

error: Ooops... You are not authorized to copy this content.