GOVERNOR LACSON KAG CHED NAGSUGTANAY NGA PADAYUNON ANG PARTNERSHIP SANG GOBYERNO PROBINSYAL KAG NONESCOST

Share on facebook
Share on google
Share on pinterest
Share on twitter
Share on print

Nagsugtanay sanday Gobernador Eugenio Jose Lacson kag Commissioner sang Commission on Higher Education ukon (CHED) , nga padayunon ang partnership sang gobyerno probinsiyal kag Northern Negros State College of Science ang Technology  ukon NONESCOST.

Suno kay Lacson , iya na lamang ginahulat ang desisyon angot sa  responsibilidad sang probinsiya kag Nonescost sa bag-o nga kasugtanan.

Nagligad nga semana, si  Lacson  ang nakigsapol sa pila ka mga commissioners sang Ched sa Manila, agud hambalan kun paano maresulbar ang problema sa Nonescost.

Nag ugat ang problema sa indi pag in tindihanay sang Presidente nga si Romulo Sisno kag anay Dean sang College of Nursing nga si Atty. Gedeoni Valencia.

Naglala pa ang problema matapos magsaylo bilang empleyado sang Nonescost ang pila ka mga trabahante nga ginasuweldohan sang gobyerno probinsiyal.

Natukod ang Nonescost paagi kay Alfredo Marañon Jr., nga sadto nagaserbe bilang kongresista sang ikaduha nga distrito sang Negros Occidental.

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

BARANGAY 18 MAY ARKILAHAN NGA LUGAR PARA TEMPORARY SHELTER SANG MGA WATCHER

Arkilahan sang Brgy. 18 council ang isa ka bakante nga lokal agud himuon nga temporary shelter para sa mga watchers sang mga pasyente sang Corazon Locsin Montelibano Memorial Regional Hospital (CLMMRH).

Ang arkilahan nga lugar ang nahamtang sa 2nd Cordova Road, Brgy. 18 syudad sang Bacolod kag may kadakuon nga 12×50 square meters.
Suno kay Kapitan Madeline Diaz sang Barangay 18, isa ka indi magpakilala nga indibidwal ang nagpakig-angut sa iya agud magbulig sa mga watchers pinaagi sa paghatag sang libre nga ilistaran.

Magapahamtang man sang 50 ka mga folding beds kag ulunan ang barangay agud indi na mabudlayan pa nga magpangita sang gamit ang mga watchers.

Dugang pa ni Diaz, wala labot sang bulig pinansyal magahatag man sang duha ka sako sang bugas ang nagdonar.

Nagalaum si Diaz nga magkooperar kag mangin responsable ang mga watchers. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.